माधव नेपाललाई साधारण सदस्यपनि नरहनेगरी कारवाही गर्ने पार्टीको तयारी
नेकपा एमाले स्थायी कमिटीको बैठकले आज बरिष्ठ नेता माधव कुमार नेपाललाई साधारण सदस्यपनि नरहनेगरी पार्टीबाट निस्कासन गर्ने भएको छ । आज अपरान्ह ३ बजे बस्ने स्थायी कमिटी बैठकले उनलाई कारवाही गर्ने बिषेश स्रोतको दावी छ । विघटित कार्यदलका नेताहरु केपी ओली र माधवकुमार नेपालबीच वार्ता गराउन प्रयासरत रहे पनि नेपालले बिना एजेण्डा ओलीसँग नभेट्ने जिकिर गरेका थिए । आफू निकट कार्यदलका सदस्यहरुसँग नेपालले १० बुँदे सहमति र अर्को वा दोस्रो अध्यक्ष जे भने पनि स्वीकार्य नहुने वताएपछि उनलाई पार्टीबाटै गलहत्याउने तयारी भएको एमालेका एक नेताले बताए । उनले भने अब माधव नेपाललाइ एमालेमा कुनै ठाँउ छैन । आजैबाट माधव नेपाल दलबिनाको नेता बन्ने भएका छन । नेपाललाई एमालेमा कुनै स्थान छैन भनेर अध्यक्ष ओलीले शनिवार नै बताएपछि वातावरण थप बिग्रिएको थियो ।
