अब एमाले र माधव नेपाल सँगै हिड्न सक्दैनन् : गोकुल बास्कोटा
नेकपा एमालेका नेता तथा पूर्व मन्त्री गोकुल बास्कोटाले अब एमाले र माधव नेपाल सँगै हिड्न नसक्ने घोषणा गरेका छन् । अध्यक्ष केपी ओली निकट नेता बास्कोटाले माधव नेपालले जित्दा एमाले हार्ने बताएका छन् ।
शेरवहादुर देउवालाई विश्वासको मत दिएपछि माधव नेपालसहित २२ जना सांसदलाई एमालेले स्पष्टीकरण सोधे लगत्तै बास्कोटाले देशभरका कार्यकर्तालाई एमाले वा माधव नेपालमध्ये एक रोज्न आग्रह गरेका छन् ।
बास्कोटाले भनेका छन्, ‘अब एमाले र माधब नेपाललाई न त संगै हिडाउन सकिन्छ न त जिताउन नै।माधब जित्दा एमाले नै हार्छ तर एमाले जित्दा माधब मात्र हार्छन। तसर्थ देशभरका एमालेजनले बिना अलमल व्यक्ति वा पार्टी मध्ये एक रोज्न पर्छ।अर्को विकल्प छैन।’
