नेकपा एमालेमा सहमति, रामकुमारी झाँक्री तनावमा
सत्तारुढ नेकपा एमालेभित्र बिवाद समाधान गरी पार्टीलाई एकजुट बनाउने अन्तिम कसरत भइरहँदा प्रतिनिधिसभामा समानुपातिक तर्फकी सांसद रामकुमारी झाँक्री बिपक्षमा उभिनुभएको छ ।
अध्यक्ष केपी शर्मा ओली र बरिष्ठ नेता माधवकुमार नेपालले गठन गर्नुभएको १० सदस्यीय कार्यदलले सहमतिको अन्तिम खाका बनाइरहँदा केन्द्रीय सदस्यसमेत रहनुभएकी झाँक्री एकताकै बिपक्षमा उभिनुभएको हो ।
आज सामाजिक सञ्जाल ट्वीटरमा आफ्नो धारणा राख्दै झाँक्रीले आफ्नो नजर एमालेतिर नभई कांग्रेस सभापति शेरबहादुर देउवा र माओवादी अध्यक्ष प्रचण्डतिर रहेको प्रष्ट संकेत गर्नुभएको छ । एमालेबाट समानुपातिक सांसद भएदेखि नै राष्ट्रपति बिद्यादेवी भण्डारी र प्रधानमन्त्री केपी शर्मा ओलीबिरुद्ध आपत्तिजनक अभिब्यक्ति दिँदै आउनु भएको छ । एमालेकै नेतृ रहेर एमालेकै नेतृत्वमाथि खनिनु नै आफनो धर्मका रुपमा ब्यवहार गर्नुभएकी झाँक्रीले एमालेमा सहमति होइन, भाँडभैलो हुनुपर्ने तर्क राख्नुभएको छ ।
पार्टीलाई एकजुट बनाउने सहमति नगर्न चेतावनी दिँदै झाँक्रीले भन्नुभएको छ, ‘लोकतन्त्रको रक्षाको लागि संबिधानलाई क्रियाशिल गराउन संसदको पुनःस्थापना एउटा अनिवार्य शर्त हो । हामील्े यसको लागि सएएटा प्रक्रियाको मात्र थालनी गरेका हौं । अदालतको फैसलापछि सरकार बन्ने र बिश्वासको मत प्राप्त गर्ने काम बाँकी छ । त्यसकारण कुनै पनि जालझेलमा पर्नुहुन्न । झुक्किनू हुँदैन ।’ झाँक्री केही दिनअघि दलबलसहित माधव नेपालको निवास पुगेर देउवा र प्रचण्डतिरै लाग्नुपर्ने दवाव दिनुभएको थियो ।
