देउवालाई प्रधानमन्त्री बनाउन गरेको हस्ताक्षर फिर्ता लिने भीम रावलको घोषणा
नेकपा (एमाले) का उपाध्यक्ष डा। भीम बहादुर रावलले हिजो भएको अध्यक्ष केपी शर्मा ओली र वरिष्ठ नेता माधव कुमार नेपालबीचको वार्ता सकारात्मक भएको स्पष्ट पार्नुभयो । उहाँले वार्ताको प्रक्रिया जारी नै रहेको भन्दै छिट्टै सहमति हुने विश्वास ब्यक्त समेत गर्नुभयो । आज विहान नेपाली रेडियो नेटवर्कबाट प्रसारण भएको नेपाली बहस कार्यक्रममा पत्रकार ऋषि धमलासँग कुरा गर्दै उहाँले यस्तो बताउनुभएको हो । उहाँले पार्टीमा माधव नेपाललाई अध्यक्ष बनाउनुपर्छ भनेर आफूहरुले प्रस्ताव तयार नपारेको पनि स्पष्ट पार्नुभयो। पार्टीभित्रका सबै विवाद सहमतिमार्फत नै टुँगो लगाउने उहाँको भनाई छ ।
उहाँले अध्यक्ष ओली र वरिष्ठ नेता नेपालबीच लामो समयपछि हिजो भेट गरेकोले परीणाम निस्किनको लागि समय लाग्ने बताउनुभयो। आज बस्ने कार्यदलको बैठकमार्फत साझा प्रस्ताव अघि ल्याउने पनि उहाँले जानकारी समेत दिनुभयो । उहाँ धमलाको एक प्रश्नमा भन्नुभयो हामी मिल्दा कि अरुलाई राम्रो नहुने हामी फुट्दा खुशि अरु किन हुनेपर्ने बताउनुभयो ।
उहाँले आफूहरुले कुनै स्वार्थको आधारमा विवाद मिलाउनको लागि गरिएको प्रयत्न नभएको भन्दै पार्टीलाई एकताबद्ध बनाएर लोकतन्त्रको पक्षमा क्रियाशिल हुनको लागि गरिएको प्रयास भएको बताउनुभयो । शेरबहादुर देउवालाई प्रधानमन्त्री बनाउनको लागि गरेको हस्ताक्षर फिर्ता हुने वा नहुने भन्नेबारे रावलले भन्नुभयो “यो हस्ताक्षर त हामीले आन्दोलनको रुपमा गरेको हो । अदालतमा यो मुद्दामा सुनुवाई सकिएको छ ।” उहाँले पार्टीको विवाद समाधान भएपछि आफूहरु एकमत भएर अघि बढ्ने समेत बताउनु्भयो । उहाँले कांग्रेस सभापति शेरबहादुर देउवालाई प्रधानमन्त्री बनाउनको लागि गरेको हस्ताक्षर पनि स्वतः फिर्ता हुने घोषणा गर्नुयभयो ।
