न्यायाधीश बम कुमार श्रेष्ठ पुन: विवादमा
न्याय निरुपण गर्न छोडेर अरुको योजनामा चल्दा सर्वोच्च अदालतका न्यायाधीश बम कुमार श्रेष्ठ पटक पटक विवादमा आउने गरेका छन् । नेकपा विघटन गरी नेकपा एमाले र माओवादी ब्युत्याउने अप्रत्याशित फैसला गरेर विवादको शिखरमा पुगेका श्रेष्ठलाई पछिल्लो पटक संसद विघटनको मुद्दामा संवैधानिक ईजलासमा बस्न दिइएन् । संवैधानिक ईजलासबाट अपमानित भएर निस्किएका न्यायाधीश श्रेष्ठ राजनीतिक विषयमा प्रवेश गर्दा पुन: विवादमा तानिएका हुन् ।
पछिल्लो समय पूर्वमन्त्री प्रभु साह विरुद्धको षडयन्त्रमा उनले चासो देखाएको भन्दै चौतर्फी आलोचना र विरोध हुन थालेको छ । एक जना महिलाले प्रभु साहमाथि पैसा लिएको गलत आरोप लगाएको विषयमा समेत न्यायाधीश श्रेष्ठले अस्वभाविक चासो देखाएको प्रहरी स्रोतको भनाई छ । निवर्तमान प्रदेश सांसद कुन्दन कुश्वाहाले सबैतिरबाट निराश भएपनि न्याय पाउने जनताको अन्तिम विश्वास न्यायालयमाथि नै हुने भएकोले आधारहीन विषयमा कुनै पनि न्यायमुर्ति संलग्न हुनु दुर्भाग्यपूर्ण हुने बताए । कुनै अमुक समुह वा नेताको राजनीतिक षडयन्त्रको हिस्सा बन्दै प्रहरीलाई दबाब दिने कार्य गर्दा जनताको न्यायालयप्रति विश्वासमा ह्रास आउने भएकोले यस्ता कार्यले न्याय पनि लज्जित हुने उनको भनाई छ ।
