माधव नेपाल भेट्न प्रचण्ड कोटेश्वरमा
नेकपा एमालेमा एकता कायम गर्न बनेको कार्यदलको बैठक सिंहदरबारमा जारी रहँदा नेकपा माओवादी केन्द्रका अध्यक्ष पुष्पकमल दाहाल प्रचण्ड माधव नेपाललाई भेट्न कोटेश्वर पुगेका छन् । स्रोतका अनुसार नेपाल निवासमा २ बजेदेखि प्रचण्ड र नेपालबीच वार्ता जारी छ ।
प्रचण्ड आज जनकपुरबाट काठमाडौं आएर सीधै कोटेश्वर गएका हुन् । नेकपा एमालेमा दुई समूहको विवाद समाधानका लागि सकारात्मक दिशामा अघि बढेका बेला प्रचण्ड-नेपालको भेटलाई अर्थपूर्णरुपमा हेरिएको छ । यसअघि कांग्रेस सभापति शेरबहादुर देउवा, प्रचण्ड र नेपालबीच त्रिपक्षीय छलफल हुने गरेको थियो । आजको भेटघाटमा भने देउवा सहभागी रहेकोबारे सूचना छैन ।
