वेदुराम भुसालको सांसद पद चैट
नेकपा एमाले विभाजनका लागि निरन्तर लड्दा पनि हैसियत र संख्या देखाउन नसक्नुभएको माधवकुमार नेपाल समूहका एक जना नेता वेदुराम भुसालले नेकपा एमाले परित्याग गरेको घोषणा गरेसँगै उहाँको सांसद पद पनि चट हुने भएको छ । उहाँ नेकपा एमालेको नेता हुनुहुन्छ ।
उहाँले एमाले परित्याग गरेसँगै उहाँको सांसद पद स्वतः जाने कानुन व्यवसायीले जनाएका छन । उहाँ सूर्य चिन्हबाट राष्ट्रियसभामा निर्वाचित हुनुभएको थियो । सर्वोच्चले नेकपाको नाम जुधेकाले नयाँ नाम दिन निर्देशन दिएपनि एमाले र माओवादीले नयाँ नाम प्रस्ताव गर्न सक्दा पुरानै दल व्यूझिएको थिए ।
त्यसपछि राष्ट्रिसभामा निर्वाचित भएका भुसालसहितले एमाले वा माओवादी जुन रोजे पनि रोज्न पाउने स्वतन्त्रता पाउनु भएको थियो । तर उहाँले कुनै पनि दल नरोजी स्वतन्त्र हुने घोषणा गर्नुभएर संसद सचिवालयमा पत्र बुझाएसँगै उहाँको सांसद पद पनि जाने भएको छ । दलबाट निर्वाचित सांसदले दल त्याग गरेपछि सांसद पद स्वतः जाने कानुनी प्रावधान विद्यामान रहेको छ ।
नेकपा एमालेको राष्ट्रियसभा दलका मुख्य सचेतक खिमलाल भट्टराइ एमाले सांसद स्वतन्त्र हुन सक्ने तर उसको सांसद नरहने बताउनुहुन्छ । उहाँले भन्नुहुन्छ, ‘त्यसबीचमा निर्वाचित राष्ट्रिय सभाका सदस्यलाई दुई मध्ये एक रोज्न सक्ने प्रावधान हुनसक्छ, त्योभन्दा पृथक स्वतन्त्र सांसद हुन सक्दैन । सूर्य चिन्ह र पार्टी अध्यक्ष केपी शर्मा ओलीको हस्ताक्षरमा उम्मेदवार भएर पार्टीका जनप्रतिनिधिहरुको मतबाट बनेको सांसदले स्वतन्त्र भन्ने हैसियत कसरी राख्न सक्दछ ? यस अवस्थामा उनको सांसद पद नै चैट हुन्छ ।’
सांसद पद जोगाउनकै लागि गरिएको प्रयत्न प्रत्यूत्पादक हुने भएको छ । अब भुसालले एमालेमा नरहने हो भने माओवादी रोज्नुुपर्ने हुन्छ । उहाँले माओवादी रोज्ने निर्णय गर्नुभयो भने यसअघि नै प्रचण्डले उद्धारका लागि तयार छु भनेको घोषणा पूरा हुनेछ भने माधव नेपाल मसूहका भुसालको उहाँले उद्धार गर्नुहुनेछ ।
उहाँले आफू स्वतन्त्र राष्ट्रिय सदस्यको हैसियतमा रहन चाहेको भन्दै संसद सचिवालयलाई जानकारी नै गराउनुभएको छ । माधव नेपालले पत्रकार सम्मेलन मार्फत आफूलाइ एमालेको भन्दा बढी देउवाको माया रहेको र अहिले गठबन्धन छाड्ने र देउवालाइ धोका दिने विषय कल्पना भन्दा बाहिरको रहेको बताएको भोलिपल्टै भुसालले आफू स्वतन्त्र रहेको स्वघोषणा गर्नुलाइ अर्थपूर्ण रूपमा हेरिएको छ ।
एमाले अध्यक्ष ओलीले माधव नेपाल समूहको सबै माग पूरा गर्न असार १६ गतेको मिति रोज्नुभएको छ । सो दिन जेठ २ को अवस्थाबाट एमाले अघि बढ्ने घोषणा गरिने छ । र सोही दिन एमालेको केन्द्रीय कमिटी बैठक बोलाउने निर्णय हुनेछ । यो सबै बुझिसकेपछि एमालेमै नरहने माधव नेपालको निष्कर्षमा साथ दिन भुसालले एमाले छाडेको बुझिएको छ ।
