एमाले महाधिवेशन आयोजक कमीटी भंग
नेकपा (एमाले)ले दशौं राष्ट्रिय महाधिवेशन आयोजक कमीटीको बैठक बोलाएको छ । आइतबार बसेको स्थायी कमीटीको बैठकले असार १६ गते काठमाडौँमा बैठक बोलाएको प्रवक्ता प्रदीप ज्ञवालीले जानकारी दिनुभयो । उनका अनुसार बैठकमा पछिल्लो राजनीतिक स्थिति र राष्ट्रिय राजनीतिका आयामबारे छलफल गरिएको थियो। यसबारे थप छलफल गरेर निर्णय लिनुपर्ने भएकाले राष्ट्रिय महाधिवेशन आयोजक कमीटीको बैठक बोलाइएको प्रवक्ता ज्ञवालीले जानकारी दिनुभयो ।
दशौं राष्ट्रिय महाधिवेशन आयोजक कमिटीको बैठकबाट पार्टीका सबै संरचनाहरू २०७५ जेठ २ मा फर्किएको औपचारिक निर्णय गरिने भएको छ । त्यससँगै महाधिवेशन आयोजक कमीटी भंग हुनेछ । यसअघि महाधिवेशन आयोजक कमीटीमा रूपान्तरण भएका पूराना कमीटी अब पुन व्यूँतने छन । झलनाथ खनाल समूह जो एमालेमै रहन चाहन्छन उनीहरूका लागि यो निर्णय लिन लागिएको बुझिएको छ । यसअघि माधवकुमार नेपालले आफूले शेरबहदुर देउवालाइ धोका दिन नसक्ने बताउनुभएको थियो ।
