फेरि देउवा निवास धाउन थाले माधव नेपाल
नेकपा एमालेका नेता माधवकुमार नेपाल फेरि नेपाली कांग्रेसका सभापति शेरबहादुर देउवाको निवास धाउन सुरू गर्नुभएको छ । विपक्षी गठबन्धनको बैठकको नाममा नेपालले फेरि देउवा निवास धाउन थाल्नुभएको हो । एमालेका प्रभावशाली युवा नेता योगेश भट्टराइले नेपालले बुढानिलकण्ठ मोह नत्यागे नेपालको पछि नलाग्ने उद्घोष गर्नुभएपछि नेपालले विपक्षी गठबन्धनका नेतालाइ आफ्नै निवास कोटेश्वरमा बोलाएर भेट्नुभएको थियो ।
देउवा र पुष्पकम दाहाल प्रचण्ड संयुक्त रूपमा जानु भएको थियो भने डा बाबुराम भट्टराइ एक्लै नेपाल निवास पुग्नुभएको थियो । आइतबार पुनः नेपाल विपक्षी गठबन्धनको बैठकमा नाममा देउवा निवास पुग्नु भएको। नेपाल समूहका भनेर चिनिएका केही नेता समेत एमाले एकताका लागि प्रयास गरिरहेको र एकता निष्कर्षमा पुग्न लागेको भनिरहेको समयमा नेपाल आफैँ भने एमालेमा नफर्कने निष्कर्षसहित विपक्षी गठबन्धनका बैठकमा सक्रिय सहभागी भैरहेका छन ।
नेपालसँग डा भीमबहादुर रावल, वेदुराम भुसाल, रघुजी पन्त, कल्याणी खड्का लगायतका नेताहरू एमालेमा नफर्किने निष्कर्षमा छन । उनीहरूकै दबाबमा नेपाल नयाँ पार्टी बनाउने वा कुनै पार्टीममा समाहित हुने भन्नेमा निष्कर्षमा पुग्न सक्नुभएको छैन । नेपाल भने अब एक्लो बने पनि एमालेमा नफर्कने मनस्थितिमा पुगेको उहाँ निकट नेताले बताएका छन ।
अहिले देउवा निवासमा भैरेहक रात्रीभोज सहितको बैठकमा नेपालसहित भीम रावल, कांग्रेसबाट सभापति देउवासहित रामचन्द्र पौडेल र पूर्णबहादुर खड्का, माओवादीबाट अध्यक्ष प्रचण्डसहित नारायणकाजी श्रेष्ठ र देव गुरुङ र जसपाको उपेन्द्र यादव, डा बाबुराम भट्टराई र राजेन्द्र श्रेष्ठ सहभागी रहनुभएको छ ।
