हामी पार्टी एकिकरण कै पक्षमा छौँ : नेता सुरेन्द्र पाण्डे
माधव नेपाल पक्षधर नेकपा एमालेका नेता पुर्वअर्थमन्त्री सुरेन्द्र पाण्डेले हामी पार्टी एकिकरण कै पक्षमा छौँ भन्नू भएको छ । हाम्रो इकोनोमीको कुराकानीमा वहाँले म अहिले पनि पार्टी एकिकरण कै पक्षमा भएको बताउनु भएको छ ।
नेकपा एमालेका माधव नेपाल पक्षधर १७ वटा भ्रातृ संगठनहरूले पार्टी र जनसंगठनहरूका सबै संरचनालाई २०७५ जेठ २ को अवस्था नफर्काए पार्टी विसर्जन हुने र नयाँ ढंगले पुनर्गठन गर्नुपर्ने सामूहिक घोषणा गरेका छन् ।
बुधबारको बैठकपछि बीहीबार उनीहरूले संयुक्त प्रेस विज्ञप्ति जारी गर्दै आफूहरू अहिले पनि एकतावद्ध एमालेकै पक्षमा रहेको बताएका छन् । तर, अध्यक्ष केपी शर्मा ओलीले अवैधानिक कार्य गर्दै आएको भन्दै उनीहरूले ती सबै खारेजयोग्य रहेको दावी गरेका छन् ।
