देउवा निवासमा विपक्षी गठबन्धनको बैठक, भाग खोज्दै को-को पुगे
राष्ट्रपति विद्यादेवी भण्डारीविरुद्ध महाअभियोग लगाउने तयारीमा रहेको नेपाली कांग्रेसले विपक्षी गठबन्धनसँग छलफल गर्न लागेको छ । कांग्रेस पदाधिकारी बैठक लगत्तै सभापति शेरबहादुर देउवाले माओवादी केन्द्रका अध्यक्ष प्रचण्ड,जसपा अध्यक्ष उपेन्द्र यादव र एमालेका बरिष्ठ नेता माधवकुमार नेपालसँग छलफल गर्न लागेका हुन् ।
विपक्षी गठबन्धनका नेताहरु देउवा निवास बुढानिलकण्ठ पुग्दैछन् । राष्ट्रपतिबाट साँझ ५ बजेसम्म संविधानको धारा ७६ को उपधारा ५ वमोजिमको सरकार गठनका लागि दिएको समयअघिनै सबै विकल्प लगाउने निर्णय कांग्रेसले गरेको छ । वैकल्पिक सरकारको दावी नगर्ने तर राष्ट्रपतिलाई महाअभियोग र प्रधानमन्त्रीविरुद्ध अविश्वास प्रस्ताव दर्ता गर्नेबारे छलफल हुने सहमहामन्त्री सुनिलवहादुर थापाले जानकारी दिए ।
