मार्गप्रशस्त भनेको पदत्याग हो भन्ने नबुझेको हो : सूर्य थापा
प्रधानमन्त्री केपी शर्मा ओलीका प्रेस सल्लाहकार सूर्य थापाले ‘मार्गप्रशस्त’ भनेको पदत्याग गरेको हो भन्ने नबुझेको हो कि बुझ पचाएको भन्दै प्रतिपक्षी दलहरूलाई प्रश्न गरेका छन् ।
आज शुक्रबार ट्वीटरमा लेख्दै उनले प्रतिपक्षी दलहरूलाई १३८ जनाको बहुमत जुटाएर सरकार बनाउन चुनौती समेत दिएका छन् । गायक पशुपति शर्माको एउटा गीतको अंश लेख्दै सल्लाहकार थापाले बहुमत सदस्यहरूको समर्थनमा नयाँ प्रधानमन्त्री बनेर प्रधानमन्त्री ओलीलाई विपक्षमै बस्न बाध्य गराउन समेत चुनौती दिएका छन् ।
यस्तो छ, ट्विट–
‘मार्गप्रशस्त’ भनेको पदत्याग गरेको हो भन्ने नबुझेको हो कि बुझ पचाएको मित्रहरू ?
बहुमत सदस्यहरू (१३८ जना)को समर्थनमा धारा ७६(५) बमोजिम नयाँ प्रधानमन्त्री बनेर प्रधानमन्त्री केपी शर्मा ओलीलाई विपक्षमै बस्न बाध्य गरे भइहाल्यो त !
‘के को सारंगी र्याइँ–र्याइँ
भयो जीवन तिरिमिरी झ्याई ?’
