प्रधानमन्त्रीसहित सिंहदरबारमा सीसीएमसीको बैठक
प्रधानमन्त्री केपी शर्मा ओलीको विशेष उपस्थितिमा सिंहदरबारमा सीसीएमसीको बैठक सुरू भएको छ । कोभिड–१९ संकट व्यवस्थापन केन्द्र (सीसीएमसी) को बैठक जारी छ । नयाँ भेरियन्टसहितको कोरोना संक्रमण दर तीव्र बनिरहेको बेला डाकिएको बैठकले महामारी नियन्त्रण तथा रोकथाममा महत्वपूर्ण निर्णय गर्ने बताइएको छ ।
प्रधानमन्त्री ओलीले हिजोमात्र बालुवाटारमा स्वास्थ्य क्षेत्रका विज्ञ, निजी क्षेत्र तथा सरोकारवाला व्यक्तिहरूबीच कोरोना नियन्त्रणका लागि गर्नुपर्ने कामका विषयमा परामर्श लिनुभएको थियो । बढ्दो कोरोना भाइरसको दोस्रो भेरियन्ट संक्रमणसँगै यसको रोकथाम, व्यवस्थापन गर्नका लागि बैठक बसेको हो ।
