देउवाले किन पत्याएनन् प्रचण्डलाई यस्तो छ कारण
पछिल्लो पटक फेरी कांग्रेस सभापति शेरबहादुर देउवालाई प्रधामन्त्री अफर गर्न पुग्नु भएका प्रचण्ड निराश भए फर्कनु भएको हो । यसअघि नै प्रचण्डले डा.बाबुराम भट्टराई, महन्थ ठाकुर लगायतलाई पनि प्रधानमन्त्रीको अफर गरिसक्नु भएको छ । मंगलबार देउवा भेट्न उहाँ बुढानिलकण्ठ पुग्नु भएको थियो ।
भेटमा कांग्रेसका सभापति देउवाले जनता समाजवादी दल र यहाँहरुको स्पष्ट धारणा नआएसम्म सरकारमा जाने कुरा नगर्न दाहाललाई आग्रह गर्नुभएको थियो । ‘अदालतको आदेश पुनरावेदन दर्ता गराएर यता सरकार बनाउने विषय गर्न आउनु भएको छ,’ देउवाको भनाईलाई उद्धृत गर्दै एक नेताले भन्नुभयो, ‘यहाँहरूलाई कसरी बुझ्ने ? स्पष्ट धारणा के हो ? कसरी जाने भन्ने पहिला यहाँहरू स्पष्ट भएर आउनु होला अनि सहकार्यको विषयमा कुरा हुन्छ ।’
ढुक्क हुने कुरा नै नभएकाले पनि अन्यौलता रहेको उहाले स्पष्ट पारिदिनु भयो । देउवाले दाहाललाई कसैको समर्थन र विरोध भन्दा पनि विधिको शासनलाई कांग्रेसले अंगाल्ने बताएपछि दाहालले आफूले त्यसप्रकारको वातावरण तय गर्ने बताउनु भएको थियो । दाहालले यहाँले (देउवा) नै सरकारको नेतृत्वगरेर नयाँ सरकार बनाउन पर्ने भन्दै त्यसको लागि पहल गर्ने बताउनु भएको थियो ।
