पार्टीबाट ‘माओवादी’ हटाउँदैछन् प्रचण्ड
नेकपा माओवादी केन्द्रले पार्टीको नाम फेरेर ‘नेपाली कम्युनिष्ट पार्टी बनाउने प्रस्ताव अगाडि सारेको छ । पार्टी कार्यालय पेरिसडाँडामा जारी केन्द्रीय कमिटी बैठकमा पार्टीको नाम फेर्ने प्रस्ताव गरिएसँगै उल्लेखित नामको चर्चा बाहिरिएको हो । पार्टी अध्यक्ष प्रचण्डले नै पार्टीको नाम फर्ने प्रस्ताव राखेको बताइएको छ ।
यसअघि बसेको स्थायी कमिटी बैठकमा समेत उक्त नामबारे छलफल भएको बताइएको छ । एमालेसँग एकीकरण गरेर नेपाल कम्युनिष्ट पार्टी (नेकपा) बनाइएको भए पनि एकीकरण बदर भएर एमाले र माओवादी केन्द्र पुन ब्युँतिएका छन् ।
तर प्रचण्डले भने पुनः आफ्नो पार्टीको नामबाट ‘माओवादी केन्द्र’ हटाउने कोशिस गरिरहेका छन् । माओवादीको नाम बोकिरहँदा अनेक लाञ्छना व्यहोर्दै आएका प्रचण्ड माओवादीबाट मुक्त हुन चाहेको टिप्पणी गरिएको छ ।
