पार्टीभित्रको एकता खल्बल्याउने मुख्य नायक वामदेव नै भएको खुलासा
नेपाल कम्युनिस्ट पार्टी (नेकपा)को उपाध्यक्ष वामदेव गौतमले दाहाल–नेपाल र ओली समूहका दोस्रो तहका नेताहरूलाई एकताबद्ध गरी एकता अभियान अगाडि बढाउने बताएका छन् । सकेसम्म आफैं नेतृत्वमा आउने र नसकेमा युवा पुस्तालाई हस्तान्तरण गर्ने केपी ओलीको फर्मुलालाई वामदेवले अनुशरण गरेका छन् ।
पार्टीभित्रको एकता खल्बल्याउन वामदेव गौतमले नै प्रारम्भ गरे । संगठन विभाग प्रमुख, उपाध्यक्ष, प्रतिनिधिसभामा निर्वाचन उठ्नका लागि निर्वाचन क्षेत्र खालि गराउनेदेखि उनले राष्टि«यसभामा गएर संविधान संशोधन गरेर प्रधानमन्त्री बन्ने योजना बुनिरहे । सचिवालयको नेतृत्वको व्यवस्थापनमा आधाभन्दा बढी समय वामदेवकै व्यवस्थापनमा खर्च भयो ।
कहिले प्रचण्ड, कहिले ओली र कहिले स्वतन्त्र भएर बसेका वामदेवले अहिले पार्टीमा एकता अभियानका नाममा समानान्तर गतिविधि गरिरहेका छन् । उनको अवस्था धेरै नै संकुचन भएको छ । अहिले पार्टीमा मुद्दाको पक्षधरता भन्दा पनि युवाका नाममा प्रतिगमनको अगुवाइ गरिरहेका केपी ओलीसँग त्यसका विरुद्ध खडा भइरहेका प्रचण्ड र माधवकुमार नेपाललाई दाँजिरहेका छन् र तिनलाई एकैपटक विदाइ गर्नुपर्छ भन्दै युवाका नाममा विष्णु पौडेललाई नेतृत्वमा स्थापित गर्न वामदेव अग्रसर भएका छन् । यसका लागि अहिले विवादास्पद व्यापारी दीपक भट्टले व्यवस्थापन गरिरहेका छन् ।
वामदेव गौतम, विष्णु पौडेल, टोपबहादुरसहितका केही नेतालाई विवादास्पद व्यवसायी दीपक भट्टले वैठक बसाइरहेको भट्ट निकट सूत्रले बताएको छ । केपी र केपीका मतियारलाई चोख्याउने, विचारको भन्दा पनि मुख्य नेतृत्वको इगोको लडाईं भन्दै गलत व्यक्तिलाई नेतृत्वमा स्थापित गर्ने कार्य वेठीक छ ।
संविधानमा स्थापित गणतन्त्र, संघीयता, समावेशिता, समानुपातिकका मुद्दालाई खारेज गरेर प्रतिगमनको यात्रामा लैजान खोज्ने केपीको कार्यलाई जनदवाव र सर्वोच्च अदालतले सच्याएको छ । अव फेरि त्यो खतराबाट जोगाउन नेपाली काँग्रेस, जसपासँग मिलेर भए पनि केपी र उनका मतियारलाई वहिर्गमन गराउनुपर्ने समयको माग हो । झिल्को अनलाईनले जनाएको छ ।
