म मधेसविरोधी होइन् : प्रधानमन्त्री ओली
प्रधानमन्त्री केपी शर्मा ओलीले सुनकोशी-मरिन डाइभर्सन आयोजनाबाट १ लाख ८५ हजार बिघा सिँचाई गर्न सकिने र ३१ मेगावट विद्युत उत्पादन गर्न मिल्ने दुई मुख्य फाइदा देखाएका छन् । आज सिन्धुलीको कुसुमटारमा आयोजना शिलान्यास गर्दै ओलीले भने, ‘ ‘यो महत्वपूर्ण आयोजना हो ,यसले जमिनमुनी दबिएको पानीको सतह आउने पानीले माटो मलिलो बनाउँछ । पर्यावरणलाई समेत सन्तुलित बनाउँछ ।’
‘यो आयोजनाले तराई र पहाडलाई जोड्नुका साथै एउटा ठूलो कुराको जवाफ दिन्छ । केपी ओलीलाई मधेसविरोधी भनेर तराईमा पस्त नदिने भन्थे । तर, केपी ओलीलाई मधेसमा पस्न नदिएपनि तराई मधेसमा पानी पठाइन्छ । मुख्य मन्त्रीज्यूलाई म भन्न चाहान्छु मलाई तराई मधेसमा पस्न नदिएर केही भएन पानी चाँही पस्न दिनु होला । तराईमा त्यस्ता जनताहरू छैनन् , मलाई केही छैन अर्को कमला सुनकोशी डाइभर्सनबाट थप १ लाख ७० हजार हेक्टरमा क्षेत्रफल सिँचाई पुगेपछि तराईबासीहरूले आफैं गेट बनाउँनेछन् , ओलीले भने ।’
उनले भने, ‘यो देश हाम्रो यो देशको पानी देशभरी नै पुर्याउनुपर्छ । हावाको उदाहरण दिँदै उनले भने हावालाई छेक्न मिल्दैन । तराई सबै हाम्रो बरा, पर्सा , सर्लाही र रौतहट पनि हाम्रै हो उनको भनाइ थियो ।’ आयोजना निर्माणमा एक मिनेट पनि ढिला नगर्न प्रधानमन्त्रीले निर्देशन दिएका छन् ।
