सरकारमा जानुको औचित्य छैन : राजेन्द्र महतो

जनता समाजवादी पार्टीका नेता राजेन्द्र महतोले तत्काल आफूहरू सरकारमा नजाने बताएका छन् । सत्तारुढ नेपाल कम्युनिस्ट पार्टी (नेकपा)को करिब दुईतिहाइ बहुमतमा बनेको सरकारमा जानुको औचित्य नभएको उनको तर्क छ ।

‘अहिलेसम्म कम्युनिस्ट पार्टीको करिब दुईतिहाइको सरकार छ । यस्तोबेला हामी सकारमा गएर कुनै अर्थ हुँदैन   उनले भने, ‘अहिले कांग्रेस पनि सरकारमा सहभागी हुँदैन, हुनु हुँदैन ।’

उनले तत्काल नेकपाको दुवै पक्षसँग सहकार्य नहुने समेत स्पष्ट पारेका छन् । महतोले प्रधानमन्त्री केपी ओलीमाथि अविश्वासको प्रस्ताव ल्याउने विषयमा पनि छलफल नभएको बताए । ‘हामीबीच अविश्वासको प्रस्तावबारे अहिले केही चर्चा छैन’, उनले भने, ‘अविश्वासको प्रस्ताव कसैले ल्यायो भने त्यैबेला छलफल हुन्छ ।’