रेशम चौधरीलाई रिहाइ गर्नेभए प्रचण्डको सरकारमा जान्छौ : जसपा
उपेन्द्र यादव, महन्थ ठाकुरसहितका मधेस केन्द्रित दलका नेताहरूले राजनीतिक अस्थिरताको फाइदा उठान शुरु गरेका छन् । उपेन्द्र–महन्थले संविधान संशोधन र रेशमलाल चौधरीको रिहाइ माग गरेका छन् । नेकपाभित्रको विवादले राजनीति तरल बनेका बेला उपेन्द्र–महन्थले यस्ता उट्पट्याङ माग राखेका हुन् ।
प्रचण्ड–माधव समूहसँग राजेन्द्र श्रेष्ठले संविधान र रेशमलाल चौधरीको रिहाइको माग गरिएको बताएका छन् । प्रचण्ड–माधवसँग उपेन्द्र–महन्थले पार्टी विभाजनको पनि सर्टिफिकेट मागेका छन् ।
मुलुकमा राजनीतिक अस्थिरता भएका बेला उपेन्द्र–महन्थहरूले संविधान संशोधनको विषयलाई उठाउने गरेका छन् । सरकारमा सहभागी भएर बाहिरिएका उपेन्द्रले कहिल्यै पनि संविधान संशोधनको माग उठाएनन् ।
सरकार बाहिर आउनेवित्तिकै संविधान संशोधनका नाममा सरकारमा पुगेर हालिमुहाली गर्ने योजनामा सधैँ रहने गरेको आरोप छ । यस पटक पनि उपेन्द्र यादव सरकारमा हालिमुहाली गर्ने योजनामा छन् । उपेन्द्रले केपी ओलीसँग भन्दा आफूलाई प्रचण्ड–माधव समूहतिर निकट बनाएका छन् ।
