अदालतलाई धम्क्याएको छैन : प्रधानमन्त्री ओली

हाम्रो इकोनोमि

 

प्रधानमन्त्री केपी ओलीले प्रतिनिधिसभा पुनस्थापना भए देश फेरि राजनीतिक रुपमा अस्थिर र विकृत्त बन्ने चेतावनी दिएका छन् । कञ्चनपुरको दैजीमा अवस्थित छेला औद्योगिक क्षेत्रको आज शिलन्यास गर्दै उनले भने–देश र जनता सम्पूर्ण रुपले निर्वाचन उन्मुख भइसकेकाले फेरि अस्थिरता र खरिदविक्रीमा अल्झने अवस्था आवश्यक छैन ।

पुनस्थापना भए के हुन्छ ? फेरि नयाँ प्रधानमन्त्री खोज्दै हिंड्नुपर्ने हुन्छ– उनले प्रश्न गरे –भागबण्डा र लेनदेनको युग फेरि दोहरिन दिने ?
तर पुनस्थापना भयो भने पनि आफ्नो राजनीति नसकिने दाबी उनले गरे । कतिपयले हल्ला गरेको सुन्छु–पुनस्थापना भयो भने त ओलीको राजनीति नै सकिन्छ भनेको । तर म भन्छु ओलीको राजनीति ओलीले नै गरेको हो , जनतासँगको सम्बन्ध स्थापना गरेको छु , शक्ति केन्द्रको आडमा मैले राजनीति गरेको होइन ।