कांग्रेस पतन उन्मुख : शहरी विकास मन्त्री प्रभु साह



 

नेपाल कम्युनिष्ट पार्टी (नेकपा) का नेता एवम् शहरी विकास मन्त्री प्रभु साहले द्वैध चरित्र देखाएको हुनाले कांग्रेस पतन उन्मुख रहेको बताएका छन् । बिहीवार रौतहटको गुजरा नगरपालिकामा आयोजित सडक उद्धघाटन कार्यक्रममा बोल्दै नेकपा प्रदेश २ का अध्यक्ष समेत रहेका मन्त्री साहले निरन्तर सत्ता स्वार्थमा रहेको कांग्रेस वर्तमान स्थितिमा पनि दोहोरो चरित्र देखाइरहेको टिप्पणी गरे । ‘संसद विघटन पछि देशमा विद्यमान अवस्थाका बीच कांग्रेसको भुमिकामाथि सबैले एकपटक ध्यान दिन जरुरी छ ।

हामी जितेका पार्टी देशलाई नयाँ दिशा दिन ताजा जनादेशको लागि आह्वान गरेका छौँ’ मन्त्री साहले भने, ‘तर जनताले पराजित गरिसकेको नेताहरू भने संसद पुनर्स्थापनाको लागि माग गरिरहेको छ ।’ संसद विघटनकै विषयमा एकातिर अदालतको कुरा मान्ने भन्नू र अर्कोतिर आन्दोलन गर्ने कार्य गर्नु कांग्रेसको लागि पतनको सुरुवात भएको मन्त्री साहले बताए । कांग्रेसले संविधान बनाएको दाबी पनि गर्ने अर्कोतिर धर्मनिरपेक्षता, संघीयता लगायतका संवैधानिक व्यवस्था उल्टाउन खोज्ने दोहोरो चरित्र देखाएको मन्त्री साहले बताए । ‘एकातिर संसद पुनर्स्थापनाको माग गर्दै सडकमा आन्दोलन गरिरहेको कांग्रेस अर्कोतिर अदालतको फैसलालाई पनि स्वीकार्ने बताइरहेको छ ।

आज कांग्रेसको पोजिसन के छ ?’ मन्त्री साहले थपे, ‘यो द्वैध चरित्रले नै अलिअलि बाँकी रहेको कांग्रेस पतनको सिकार बन्दै गएको छ । र यही नै आजको आवश्यकता हो ।’ कांग्रेस द्वैध चरित्र देखाएर समाजलाई भ्रममा राखेर सत्ताको रस चाट्ने दाउमा रहेको बताउदै मन्त्री साहले कांग्रेसले विगतमा पनि एकातिर आन्दोलन गर्ने र अर्कोतिर राजासँग बार्गेनिङ गर्नेजस्ता गतिविधि देखाएर सत्ताको आसपास मात्र रहेको स्मरण गराए । आज मन्त्री साहले गुजरा नदीमा निर्माण हुने पक्की पुलको शिलान्यास गरे । यस अघि नै मन्त्री साहले तत्कालीन मन्त्री रघुवीर महासेठको हातबाट गरुडा नगरपालिकामा झाँझ नदी र कटहरीया नगरपालिकामा तरहरी नदीमा पुलमा शिलान्यास गरेका थिए । उनले छिट्टै लमहा नदीमा पनि पुल निर्माणका लागि शिलान्यास गर्ने बताए ।

प्रतिक्रिया दिनुहोस
एमालेको राष्ट्रिय महिला भेलाको तयारी पूरा

    नेकपा (एमाले) जनसंगठन समन्वय संयन्त्रको आयोजनामा यही जेठ १६ र १७

काठमाडौंमा नेपाली कांग्रेसको सरकारविरुद्ध प्रदर्शन

    नेपाली कांग्रेसले आइतबार काठमाडौंमा सरकारविरुद्ध प्रदर्शन गरेको छ । सहकारी ठगी

फार्म हाउस होटल र प्रभु बैंकबीच विशेष छुट सम्झौता

        आन्तरीक तथा बाहृ पर्यटनको प्रशस्त सम्भावना बोकेको साहसी पदमार्गीहरु

अर्थमन्त्रीले संसदमै बजेट पढ्नुहुन्छ : प्रमुख सचेतक बर्तौला

    सत्तापक्षले प्रतिपक्षीको अवरोध जारी रह्यो भने पनि संसदबाटै बजेट ल्याउने तयारी