मानव साङ्लो बनाएर टुँडिखेल घेर्दै दाहाल–नेपाल गुट
प्रतिनिधिसभा विघटन र निर्वाचनको मिति घोषणाको विरोध गर्दै आएको नेपाल कम्युनिष्ट पार्टी (नेकपा)को दाहाल–नेपाल समूहले आज मानव साङ्लो बनाएर टुडिखेल घेर्ने भएको छ । आज अपरान्ह ४ बजेदेखि ५ बजेसम्म मानव साङ्लो बनाएर टुँडिखेल घेर्न लागेको हो ।
गत माघ २८ गते तेस्रो चरणका कार्यक्रम सम्पन्न गरेको दाहाल–नेपाल समूहले हिजो बुधबारदेखि चौथो चरणको विरोधका कार्यक्रम शुरु गरेको छ । सोही कार्यक्रमअन्तर्गत आज टुडिखेल घेर्न लागेको हो ।
चौथो चरणका सम्पूर्ण विरोध कार्यक्रमहरु फागुन १५ गतेसम्म जारी रहने सो समूहले जनाएको छ । यस्तै जिल्लास्तरीय विरोध प्रदर्शन र सभा भन फागुन १२ गतेसम्म चल्ने छ ।
