प्रधानमन्त्री ओली र वामदेव गौतम दुई घण्टा गोप्य वार्ता
प्रधानमन्त्री केपी ओलीले नेकपा उपाध्यक्ष वामदेव गौतमसँग आइतबार दिउँसो झण्डै दुई घण्टा एकान्त वार्ता गरेकै भोलिपल्ट गौतमले जम्बो एकता समिति घोषणा गर्नुभएको छ । नेकपा विभाजनसँगै एकता अभियानमा लाग्नुभएका गौतमले दुवैपक्षसँग समदूरी राख्ने बताउँदै आए पनि उहाँ पटक–पटक बालुवाटार पुग्नुभएको देखिन्छ ।
यसबीच, भारतीय गुप्तचर संस्था ‘र’ बाट काठमाडौंको निम्ति स्टेशन म्यानेजर फेरिएका छन् । यसअघिका अभिजित हल्दरको स्थानमा राघवप्रसाद भट्नागर माघ ३० गते दिउँसो टोलीसहित काठमाडौं आइपुगेका हुन् । यसअघि उनी कोलम्बोस्थित दूतावासमा डेपुटी काउन्सिलर र अस्तिसम्म भुटानमा कार्यरत थिए । ‘र’ को प्रमुख परिवर्तनसँगै काठमाडौंस्थित दूतावासको सुरक्षा टोली पनि फेरिएको छ । उक्त टोलीको नेतृत्व डिआइजीले गर्छन् ।
इन्टेलिजेन्स ब्युरोकी मैथिली झालाई बदली गर्न आउने पनि महिला नै रहेको श्रोत बताउँछ । मैथिली अघिल्लो महिना फर्केपछि निमित्तको रुपमा दक्षिण भारतका आइपीएस अफिसर स्टालिनले काम चलाउँदै थिए । नेपालको राजनीति तरल बन्दै गएको बेला भारतीय राजदूत विनयमोहन क्वात्राले भेटघाटको श्रृंखलालाई आइतबार पनि निरन्तरता दिएको देखिन्छ । टोखातिर बस्ने कांग्रेसका ठूलै नेतासँग त्यसदिन उनको भेट भएको स्रोतको दाबी छ । जनआस्थाबाट
