जनता समाजवादी पार्टीका नेता इस्लाम हवारी नेकपामा प्रवेश
जनता समाजवादी पार्टी (जसपा) का नेता तथा संविधानसभा सदस्य इस्लाम हवारी नेकपामा प्रवेश गरेका छन् । नेकपा प्रदेश २ अध्यक्ष एवम् शहरी विकास मन्त्री प्रभु साहको पहलमा शुक्रवार प्रधानमन्त्री केपी शर्मा ओलीले हवारीलाई टीका लगाएर आफ्नो समुहमा प्रवेश गराएका हुन् । हवारी जसपाका मुस्लिम विभागका इन्चार्ज समेत हुन् । बालुवाटारमा पार्टी प्रवेश गरेपछि हवारीले देशलाई सहि दिशा दिन सक्ने नेतृत्वलाई चयन गरेको बताए । प्रधानमन्त्री ओलीको नेतृत्वमा मात्र देशमा समाजवाद स्थापना गर्ने लक्ष्य पूरा हुन सक्ने देखेर आफू नेकपामा प्रवेश गरेको धारणा उनले राखे । हवारी पूर्व माओवादी नेता समेत हुन् । पर्सा जिल्लाका सक्रिय नेता हवारीले नेकपाले नै समृद्ध नेपाल निर्माण गर्ने भएकाले अरु दलको आवश्यकता नभएको बताए ।
