मलाई पक्राउ गर्न पुर्जी चाहिन्छ, निवासबाहिर कार्यकर्ताको नारावाजी
नेपाल कम्युनिष्ट पार्टी (नेकपा) को प्रचण्ड–नेपाल समुहकी नेतृ रामकुमारी झाँक्रीले प्रहरीले पक्राउ पुर्जी दिएमात्रै गिरिफ्तारी दिने बताएकी छन् । उनको निवासबाहिर प्रहरी पु्गेपछि कार्यकर्ताले नारावाजी गर्न थालेका छन् ।
राष्ट्रपति विद्यादेवी भण्डारीविरुद्ध दिएको अभिव्यक्तिका विषयमा प्रहरीबाट आफूलाई फोन गरेर सोधपुछ गरिएको झाँक्रीले जानकारी दिइन् । तर, पक्राउ पुर्जि अहिलेसम्म नपाएको उनले पत्रकारसँग बताइन् ।
‘मलाई फोन आएको थियो, मैले पक्राउ पुर्जि चाहिन्छ भनेको छ,’ उनले भनिन्, ‘राज्यले नागरिकलाई प्रक्रिया पुर्याएर पक्राउ गर्न पाउँछ । पुर्जि दियो भने जानैपर्छ ।’ उनले नन इस्यूलाई इस्यू बनाउन खोजिएको बताइन् । प्रहरी पुगेपछि जम्मा भएका कार्यकर्ताले अहिले रामकुमारी झाँक्री हाईहाई भन्दै नारावाजी गरिरहेका छन् ।
