१० लाख जनता लिएर सिंहदरबार र बालुवाटार घेर्ने प्रचण्डको चेतावनी
नेकपा प्रचण्ड–माधव समूहका अध्यक्ष पुष्पकमल दाहाल प्रचण्डले १० लाख जनता लिएर सिंहदरबार र बालुवाटार घेर्ने प्रधानमन्त्री केपी शर्मा ओलीलाई चेतावनी दिएका छन् । प्रचण्डले विरोध प्रदर्शन कस्तो हुन्छ हेर्न प्रम ओलीलाई आह्वान गरे । बुधबार भृकुटी मण्डपमा संविधान विघटनको विरोधमा गरिएको सभामा प्रचण्डले ५ लाख मानिस सहभागी भएको सूचना आएको बताए । प्रचण्डले भने, ‘केपीजी देख्नुभयो सभा कस्तो हुन्छ ? देख्नुभयो विरोध कस्तो हुन्छ ?’
मुलुकमा लोकतन्त्रको ह त्या भएकाले अन्तर्राष्ट्रिय समुदायको ध्यानाकर्षण गर्न चाहेको बताए । प्रचण्डले निर्वाचन आयोगले नेकपा विवादलाई लिएर ‘लक्षण राम्रो नदेखाएको’ टिप्पणी गरेका छन् । उनले प्रधानमन्त्री ओलीले आयोगलाई धम्क्याएको आरोप पनि लगाए ।
‘मैले धेरै कुरा के भन्नु, झन् कुरा बिग्रिएला’ राजधानीमा आयोजित जनसभामा प्रचण्डले भने, ‘तर, आयोगले राम्रो लक्षण देखाएको छैन है ! केपीले अदालतलाई धम्क्याएका छन् । आयोग उनको काइते कुराको पछि नलाग, धम्कीसँग खुट्टा नकमाउ ।’ उनले धेरैलाई कुर्सीकै लागि आफूहरुले आन्दोलन गरेको भान परेको भन्दै त्यो गलत भएको स्पष्टीकरण दिए । ‘हामीलाई चाहिएको छैन कुर्सी’ उनले भने, ‘तपाईंहरू भ्रममा नपर्नुस् ।’
