जताततै आतंक मच्चाउन प्रचण्ड-माधवको निर्देशन
नेकपा प्रचण्ड माधव समुहका अध्यक्ष पुष्पकमल दाहाल र माधवकुमार नेपालले आजको नेपाल बन्द हिंसात्मक बनाउन कार्यकर्तालाई निर्देशन दिनुभएको तथ्य खुलेको छ । एकाबिहानै फलफूल र तरकारी सडकमा फाल्ने र ट्याक्सी जलाउने काम भएपछि प्रचण्ड र माधवले कार्यकर्तालाई आन्दोलन हिंसात्मक बनाउन निर्देशन दिनुभएको तथ्य बाहिर आएको हो ।
‘शान्तिपुर्ण आन्दोलनले हुन्न, अहिल जताततै ठोक्ने र आतंक मच्चाउने खालको हुनुपर्छ भन्ने निर्देशन आएको छ, आफ्नै प्रतिवद्धताबिपरत तरकारी र फलफूलसमेत किन फालेको ?’ भन्ने जनताटाइम्सको प्रश्नमा प्रचण्ड-माधव-समुहका एक कार्यकर्ताले भने । उनका अनुसार हिंसा भडकाउन सके बाध्य भएर आन्दोलनमा जनता आउने छन भन्ने प्रचण्ड र माधवको निश्कर्ष रहेको छ ।
प्रधानमन्त्री केपी शर्मा ओलीले आफूबिरुद्ध कू गर्न लागेको पूर्वजानकारी पाएर पुस ५ गते प्रतिनिधिसभा बिघटन गर्नुभएपछि सत्तामा पुग्ने आफूहरुको योजना बिफल भएको निश्कर्षसहित प्रचण्ड र माधव आन्दोलनमा उत्रनु भएको छ । चुनाव भए कतै नजित्ने भन्दै उहाँहरु जनतालाई दुःख दिने एक मात्र अभियान अघि बढाउनु भएको छ । प्रचण्ड र नेपालले आफूहरु प्रधानमन्त्री हुन नपाएको बिषयलाई प्रतिगमन भन्दै जनतालाई दुःख दिने र हुर्मत लिने काम गर्नुभएको हो ।
यही योजना अनुसार आजको बन्द हिंसात्मक बनाउन निर्देशन दिनुभएको सोही समहका नेता कार्यकर्ताको भनाई छ । ओली नेतृत्वको नेकपाले भोलि काठमाडौंमा २ लाख भन्दा बढी जनता उतारेर जनसभा गर्न लागेपछि सो जनसभामा मानिस आउन नदिन र अख्तियार दुरुपयोग अनुसन्धान आयोगले भ्रष्टाचारीमाथि कार्वाही अघि बढाउन हुन्न भन्ने अडान राख्न मात्रै प्रचण्ड माधव समुहले आजको बन्द गरेको हो ।
