प्रचण्ड समूह यसरी फेल खायो
प्रचण्ड समूह मंगलबार फेरि निर्वाचन आयाेग पुगेकाे छ । आयाेगलाई दबाब दिने उद्देश्यसाथ साे समूह निरन्तर धाइरहेकाे छ । तर साे समूह समय घर्किएपछि आयाेग पुगेकाे छ । प्रधानमन्त्री एवं पार्टीका प्रथम अध्यक्ष केपी शर्मा ओलीलाई साधारण सदस्यबाट हटायाैं भनेकाे साे समूह अप्ठेराेमा पर्ने देखिएपछि आयाेग धाएकाे हाे ।
आयाेगले केपी ओलीकाे हस्ताक्षरबिना कुनै काम नहुने बताइसकेकाे छ । तर साे समूह आज पुन : आफूहरु नै आधिकारिक हाैँ भन्दै आयाेग पुगेकाे हाे । साे समूहले आयोगमा राजनीतिक दलसम्बन्धी ऐनको दफा ४४ अनुसार वैधानिकताको दाबी पेस गरेको छ ।
पुष्पकमल दाहाल प्रचण्ड र माधवकुमार नेपालसहित आज आयोग पुगेको साे समूहले २ सय ७५ जना केन्द्रीय सदस्यको हस्ताक्षरसहित नेकपाको बैधानिकता दाबी गरेको हाे । निर्वाचन अयोगमा पत्र बुझाए पछि पत्रकारसँग कुरा गर्दै सो समूहका नेता झलनाथ खनालले आफूहरुले दाबी पेस गरेपछि अब निर्वाचन आयोगले निर्णय गर्ने बताउनुभयो ।
