ओली र प्रचण्ड मिलेरै चुनाव लड्ने तयारी
नेपाल कम्युनिष्ट पार्टी (नेकपा) ओली पक्षका स्थायी कमिटी सदस्य तथा पूर्वमन्त्री रघुवीर महासेठले वैशाख १७ र वैशाख २७ गते तोकिएकै मितिमा निर्वाचन हुने दाबी गरेका छन् । मंगलबार रिपोर्टर्स क्लबमा बोल्दै उनले प्रधानमन्त्री केपी शर्मा ओली र पुष्पकमल दाहाल दुबै मिलेर आगामी चुनावमा भाग लिने बताएका हुन् ।
उनले आफूहरुलाई अदालत र निर्वाचन आयोग दुबैको निर्णय मान्य हुने भन्दै तोकिएकै मितिमा निर्वाचन हुने ठोकुवा गरे । नेकपा एकता हुँदा बखत नै सही तरिकाले नभएकोले अहिलेको अवस्था आएको उनको भनाइ छ ।
सरकारले धेरै राम्रो काम गर्दापनि त्यसको सही व्याख्या र जनतामा प्रचारप्रसार गर्नुभन्दा पनि यो सरकारले केही गर्न सकेन भनेर आफ्नै पार्टी भित्रबाट कुप्रचार भएको उनको आरोप छ ।
