प्रचण्डको निर्वाचन क्षेत्रमा ओलीको विशाल जनसभा
प्रधानमन्त्री केपी शर्मा ओलीले प्रचण्डको गृहजिल्ला चितवनमा जिल्लास्तरीय सभामा ठूलो संख्या जुटाएर शक्ति देखायो । प्रधानमन्त्री ओली सहित संघीय सरकारका चारजना मन्त्री समेत सहभागी सभा भरतपुरमा आयोजना भएको थियो ।
प्रधानमन्त्रीले विभिन्न विकास आयोजनाको शिलान्यास गर्दा मेयर रेनु दाहालले बहिस्कार गरेकी थिइन् । त्यसपछि आयोजित आमसभामा प्रधानमन्त्री ओली र गृहमन्त्री रामवहादुर थापा बादल सहितका नेताहरुले प्रचण्डका बाबु छोरीको आलोचना गरेका थिए ।
उहाँले प्रचण्डले केही नगर्न चाहे पनि चितवनमा बिकाशको लहर आफूले ल्याउने र पूर्ववत घोषणा गरिएका सवै काम गर्ने प्रतिवद्धता जनाउनु भयो । ‘उहाँ (प्रचण्ड) हरु आत्तिनु होला, बर्बराउनु होला, बिकाश हुनेभयो भनेर, उहाँहरु आत्तिएपनि हुन्छ, अव नारायणीमा तटबन्ध हुन्छ, बनाएर छाडिन्छ,’ प्रधानमन्त्री ओलीले भन्नुभयो । प्रधानमन्त्री ओलीले मतपत्र च्यातेर मेयर हुनुभएकी प्रचण्डपुत्री रेनु दाहाललाई पनि कडा प्रहार गर्नुभयो ।
‘बिकाशको काम छाडेर मेयर पिक्निक खान जानुभयो होला, उहाँ जता गएपनि हामीले २ हजार सभाहलको सिलान्याश गरेका छौं, बाटो चौडा गर्ने कामको सिलान्याश गरिरहेका छौं,’ प्रधानमन्त्री ओलीले भन्नुभयो । उहाँले चितवनमाथि प्रचण्ड र उहाँका परिवारले गद्धारी गरे पनि सरकारले बिकाशको काम सम्पन्न गराएरै छाडने र सवै चितवनवासीको मनमा खुसी ल्याउने बताउनु भयो
