प्रचण्डलाई चितवनमा मैले जिताएको हुँ : प्रधानमन्त्री ओली
प्रधानमन्त्री केपी शर्मा ओलीले पुष्पकमल दाहाललाई गएको निर्वाचनमा चितवन पुगेर जिताएको भन्दै अबको चुनावमा जितेर देखाउन चुनौती दिएका छन् । काठमाडौंमा जिफन्टको भेलालाई सम्बोधन गर्दै ओलीले यस्तो बताएका हुन् ।
प्रधानमन्त्री ओलीले पार्टी मुलधारमा रहेका समयमा आफ्नो सहयोगपनि पाएकाले चुनाव जितेका प्रचण्ड दशा लागेर अलग बनेका भन्दै कटाक्ष गरेका छन् । अबको चुनावमा प्रचण्डमाधव समूहले कतै नजित्नेपनि ओलीले दावी गरे । ओलीले भने, चितनवमा गएर, सबै जनतालाई फकाएर चुनाव जिताएका हौँ हामीले । त्यसअघिको चुनावमा सिरहामा बत्ती निभाएर चुनाव जितेका प्रचण्डले । अब अहिले दशा लागेर पार्टी छाडेर गए । अब जितेर देखाउन् चुनौति दिएका छन् ।
