वन विकासको क्षेत्रमा सहयोग गर्न मन्त्री आलेको इजरायली राजदूतसँग आग्रह



 

इजरायली राजदूत हनानगोदेर गोल्डवर्गर तथा वन तथा वातावरण मन्त्री प्रेमबहादुर आले बिच आज सोबमार भेटवार्ता भएको छ । वन तथा वातावरण मन्त्रालयमा भएको उक्त भेटवार्तामा नेपालको कृषि र वन विकासको क्षेत्रमा सहयोगका लागि सम्भावित अवसरहरुमा छलफल गरिएको थियो । भेटघाटका क्रममा वन तथा वातावरण मन्त्री आलेले नेपालमा वन विकास उल्लेख्य रुपमा बढाउन तथा यहाँको वन्य जडिबुटीको केन्द्र स्थापना गर्न र नेपाली किसानहरुलाई इजरायली वन र कृषि टेक्नोलोजी सिकाउनका लागि इजरायलले सहायोग गर्न आग्रह गर्नु भयो ।

उहाँले भन्नुभयो, “इजरायलले नेपालको कृषि क्षेत्रमा निकै उल्लेख्य सहयोग गरेको छ, अव वन विकासको क्षेत्रमा पनि सहयोग गर्न अपेक्षा लिएको छ ।” इजरायल सँग धेरै लामो कूटनीतिक सम्बन्ध रहेको भन्दै मन्त्री आलेले आगामी दिनमा समेत उक्त सम्बन्ध अझै मजबुत बन्ने विश्वास समेत व्यक्त गर्नु भयो । लामो समयदेखि दुई देशबीचमा कृषि र प्रविधिका साथै अन्य विभिन्न क्षेत्रमा सहयोग र सहकार्य रहँदै आएको भन्दै मन्त्री आलेले आगामी दिनमा वन विकासको क्षेत्रमा सहकार्य गर्न सरकार इच्छुक रहेको धारणा राख्नु भएको थियो । मन्त्री आलेले इजरायल नेपाली कामदारका लागि सुरक्षित गन्तव्यका रूपमा रहेको बताउनु हुँदै आगामी दिनमा पनि इजरायलले त्यसमा सहयोग गर्ने विश्वास व्यक्त गर्नुभयो । वन तथा वातावरण मन्त्री आलेले पछिल्लो समयमा विभिन्न मुलुक तथा दातृ निकायका प्रतिनिधिसँग भेटवार्ता गर्ने क्रमलाई तीव्रता दिएका छन् । वन क्षेत्रको विकासका लागि नयाँ नीति निर्माणमा रहेका उहाँले नेपालमा विदेशी लगानी प्रवद्र्धनका लागि विभिन्न देश तथा दातृ निकायसँग आग्रह गर्दै आउनु भएको छ । वन विकासको क्षेत्रमा केही गरौँ भन्ने भावनाका साथ मन्त्री आलेले काम गर्न थाल्नु भएको छ ।

 

भेटमा इजरायली राजदूत गोल्डवर्गरले वन विकास सहित अन्य क्षेत्रको विकासमा सहकार्य गर्न इजरायल सरकार आतुर रहेको बताउनु भएको थियो । वन तथा वातावरण मन्त्री आलेले राखेको मागका सम्बन्धमा इजरायली राजदूत हनानगोदेर गोल्डवर्गरले इजरायल सहयोग गर्न इच्छुक रहेको बताउनु भएको थियो । राजदूत गोल्डवर्गरले भन्नुभयो, “हामीले नेपालका कृषि, पर्यटन लगायतका थुप्रै क्षेत्रको विकासमा सहयोग गर्दै आएका छौ, अब वन विकासको क्षेत्रमा पनि सहयोगका कामहरु गर्छौँ । उक्त भेटका क्रममा वन तथा वातावरण मन्त्रालयका सचिब डा.विश्वनाथ ओली, उप सचिब ज्ञानेन्द्र मिश्र, परराष्ट्र मन्त्रालयका शाखा अधिकृत रबिन्द्रराज भण्डारी वन तथा वातावरण मन्त्रीका निजी सचिब रबिन कुमार ग्यालन तथा स्वकीय सबिच हेमन्तराज रेग्मी लगायतको उपस्थिती रहेको थियो । विमल विष्ट

प्रतिक्रिया दिनुहोस
अमेरिकाले दिएन सन्दीप लामिछानेलाई भिसा

  विश्वकप खेल्न अमेरिका जान लागेका नेपाली क्रिकेटर सन्दीप लामिछानेलाई काठमाडौंस्थित अमेरिकी दूतावासले

सहकारी बचतकर्ताको तेस्रो चरणको आन्दोलन घोषणा

    सहकारी बचतकर्ता संरक्षण राष्ट्रिय अभियान महासंघले तेस्रो चरणको आन्दोलन घोषणा गरेको

होटल सरोवर र किङ्गस लाउन्ज पोखरामा प्रभु बैंकको विशेष छुट

        पर्यटकीय सदरमुकाम पोखरा को लेकसाइडमा अवस्थित होटल सरोवर प्रा.लि

बहुचर्चित बहुलोकप्रिय माइडिया ब्रान्डको डिशवाशर नेपालमा

    वर्ल्ड नम्बरवान अप्लाईन्स प्रोडुसर माइडियाको आधिकारिक बिक्रेता सीजी इलेक्ट्रोनिक्सले आधुनिक  बिएलडिसी