आयोगलाई निर्वाचन नगराउन धम्की दिदै प्रचण्ड–नेपाल समुह
नेकपा प्रचण्ड–माधव समूह निर्वाचनबाट भाग्ने अवस्थामा पुगेका छन् । देशभरी विरोधका कार्यक्रम गरेको सो समुहले अपेक्षा गरेभन्दा निक्कै कम संख्यामा जनताले साथ दिएपछि अब निर्वाचन प्रक्रिया नै रोक्न दवाव दिने निचोडमा पुगेको हो ।
देशभरी प्रधानमन्त्री केपी शर्मा ओली पक्षको आक्रमक संगठन विस्तार र कार्यक्रममा स्थानीयले साथ दिएपछि पुष्पकमल दाहाल प्रचण्ड र माधवकुमार नेपाल समुह निर्वाचनको मैदान छाड्ने मुडमा पुगेको छ । भारतको सहयोग माग्न नयाँ दिल्ली हुँदै मुम्बई पुगेर फर्किएका प्रचण्ड अब निर्वाचन आयोगलाई तस्र्याउने निर्णयमा पुग्नु भएको छ । अदालतमा मुद्दा विचाराधिन रहेको अवस्थामा ‘हामी यहाँ छौं’ भनेर सडकमा धर्ना बसेर सर्वोच्चलाई धम्काईरहनु रहेको सो समुहले अब भने निर्वाचन आयोगलाई धम्क्याउने थालेको छ ।
सो समुहका एक नेताका अनुसार अध्यक्षहरु पुष्पकमल दाहाल र माधवकुमार नेपाल आज निर्वाचन आयोग जाँदै हुनुहुन्छ । आयोगले पुस २३ को पत्र र आयोगले अगाडि बढाएको निर्वाचन प्रक्रियाबारे आपत्ति जनाउन दुई अध्यक्ष आयोग जान लागेको ति नेताले जानकारी दिए । ‘सर्वोच्च अदालतमा संसद् पुनस्र्थापनाबारे मुद्दा विचाराधीन अवस्थामा छ । तर, आयोगले त्यसलाई प्रभावित गर्नेगरी निर्वाचनको काम अगाडि बढाएको छ । यसलाई रोक्नुपर्छ भनेर दुई अध्यक्ष जान लाग्नु भएको हो’, ती नेताले भन्नुभयो ।
