निर्वाचन भन्नेबित्तिकै प्रचण्ड-माधवको सातो गयो : प्रधानमन्त्री ओली
प्रधानमन्त्री केपी शर्मा ओलीले कतिपयले आफ्नो लोकप्रियता घटेको बताएको भन्दै त्यसको परीक्षणका लागि चुनावमा आउन चुनौती दिएका छन्। ‘कतिपयले भने केपी ओलीको लोकप्रियताको ग्राफ जिरोमा झर्यो,’ आइतबार राष्ट्रियसभालाई सम्बोधन गर्दै ओलीले भने, ‘जिरोमा झरेछ कि माइनसमा झरेछ कि प्लसमा गएछ, निर्वाचनमा हेरौं न । अब गफ फिट्ने दिन गए । अब गफ फिटेर हुँदैन, अब मैदानमा ।’
रेस्लिङ खेलको उदारण दिंदै ओलीले अब निर्वाचनको मैदान तयार भएको तर त्यसमा आउन खुट्टा नकमाउन आग्रह गरे। उनको भनाइ छ– अब मैदान घोषणा गरिएको छ, रिङ तयार भएको छ । रिङमा आउनुहोस्, त्यहाँ जितेर अनि लागउनुहोस् न रेस्लिङ बेल्ट । खुट्टा किन कामेको ? निर्वाचन भन्नेबित्तिकै सातो किन गएको ?’
ओलीले चुनाव हुनु अस्थिरता नभएको पनि बताए। उनले भने, ‘चुनाव हुनु अस्थिरता होइन । अस्थिरता त्यतिबेला हुन्छ, जब बाह्यि शक्तिको ईसारामा राष्ट्रिय शक्तिहरु गोटी बन्न थाल्छन् ।
