फार्टी फुटाउने काम नै प्रचण्डको मुख्य पेशा हो : मन्त्री रायमाझी
उर्जा जल स्रोत तथा सिचाई मन्त्री टोपबहादुर रायमाझीले सरकार बैशाखमै निर्वाचन गर्न आवश्यक तयारीका साथ अघि बढेको प्रष्ट पार्नुभएको छ । संसद पुनःस्थापन हुने नसक्ने भन्दै मन्त्री रायमाझीले सरकारका कारण निर्वाचनको कार्यतालिका हेरफेर नहुने स्पष्ट पार्नुभयो ।
प्रेस सगठन अर्घाखाँचीले आज सन्धिखर्कमा गरेको पत्रकार सम्मेलनमा मन्त्री रायमाझीले निर्वाचन आयोगले द्रुत गतिमा काम गरिरहेको भन्दै प्रावधिक हिसावले सबै तयारी पूरा हुनेमा सरकार आशावादी रहेको बताउनुभयो । नेकपा स्थायी समिती सदस्यसमेत रहेका रायमाझीले प्रचण्ड र माधव नेपालका कारण पार्टी विभाजन भएको तथ्य पनि राख्नुभयो । ‘प्रचण्ड सरकार ढाल्न खपिस रहेको भन्दै उहाँले ९ पटकसम्म सरकार ढालेर देशमा अस्थिरता ल्याउनु भो, प्रचन्डको काम फार्टी फुटाउने र सरकार गिराउने मात्र भयो,’मन्त्री रायमाझीले भन्नुभयो ।
प्रचन्डले प्रधानमन्त्री केपी शर्मा ओलीलाई सडकमा पुर्याउन्छु भन्दा आफू पुसको जाडोमा सडकमा बस्नु परेको टिप्पणी गर्नुभयो । प्रधानमन्त्री ओलीको लोकप्रियताबाट डराएर चुच्चे नक्सा आएदेखि पार्टीमा अनेक बाहान बनाएर प्रचण्ड माधवले प्रधानमन्त्रीलाई काम गर्ने बातावरण नदिएको बताउनुभयो ।
प्रचण्ड-माधव नेपालहरु पार्टी विभाजन गर्नु गल्ती थियो भन्दै फेरि केपी ओलीसँग माफी माग्न आउने नेता रायमाझीको भनाइ छ । मन्त्री रायमाझीले लोडसेडिङ्ग नहुने पनि स्पष्ट पार्नुभयो ।
