ओरालो लागेको प्रचण्डको पछि नलाग्ने वामदेव गौतमको घोषणा
राष्ट्रिय सभा सदस्य तथा नेपाल कम्युनिष्ट पार्टीका उपाध्यक्ष वामदेव गौतमले प्रचण्ड–नेपाल समुहमा आफु सहभागी नहुने घोषणा गर्नुभएको छ । शुक्रबार विहान पुष्पकमल दाहाल प्रचण्ड निवासमा दुई नेताबीच भएको भेटमा उहाले आफु यो समुहमा नआउने स्पष्ट पारिदिनु भएको हो ।
शुक्रबार विहान साढे नौ बजे बामदेव गौतम प्रचण्डसँग भेटवार्ता गर्न खुमलटार पुग्नु भएको थियो । भेटमा प्रचण्डले विगतमा पनि साथ दिएकाले आफ्नो समुहमा आउन आग्रह गर्नुभएको थियो । तर, गौतमले आफु अझै पनि पार्टी एकताको पक्षमा रहेकाले त्यसैमा आउन प्रचण्डसँग आग्रह गर्नुभयो ।
देशलाई नेकपाको अझै पनि खाचो रहेको औल्याउदै उहाले प्रचण्डलाई तपाईका स्वार्थ देशका लागि थाति राखेर एकतामा आउन आग्रह गर्नुभएको थियो । जवाफमा प्रचण्डले आफुहरु धेरै अगाडी बढि सकेको र अब आफुहरुले भने अनुसार नै देश चल्ने भएको भन्दै गौतमलाई फकाउन खोज्नु भएको थियो ।
विहान खुमलटार पुग्नु भएका गौतम दिउसो भने राष्ट्रिय सभा बैठकमा पहिलो पटक सहभागी हुन संघीय संसद भवन आइपुग्नु भएको थियो । त्यहा संचारकर्मीसँग कुरा गर्दै उहाले भन्नुभयो, ‘नेकपामा अहिले तीन कित्ता छन्, त्यसमा एक मेरो हो । दुई समूहका दुई कित्ता भइहाले। अझै पनि पार्टीलाई मिलाएर जानुपर्छ भन्ने मेरो कित्ता हो। मलाई दशौं हजार मान्छेले फोन गरेर पार्टी एकता जोगाउनुस् भनिरहेका छन् ।’
उहाले निर्वाचन आयोगबाट आधिकारिक रूपमा निर्णय नभएसम्म नेकपा फुटेको नमानिने भएकाले आफू पार्टी एकताका पक्षमा लागिरहने बताउनु भयो ।
