पार्टीको नेतृत्व र विचारको मातहत गोलबन्द जरुरी छ : सूर्य थापा
नेकपाका केन्द्रिय सदस्य एवं प्रधानमन्त्रीका प्रेस सलाहकार सूर्य थापाले समाजिक संजाल फेसबुक मार्फत यतिबेला हरेक कार्यकर्ता र समर्थकहरू पार्टीको सही नेतृत्व र विचारको मातहत गोलबन्द हुनु अहं दायित्व रहेको बताएका छन । उनले भनेका छन मनका गुनासाे पाेखेर समय खेर फाल्ने समय याे हाेइन, यतिबेला हरेक कार्यकर्ता र समर्थकहरू पार्टीकाे सही नेतृत्व र विचारकाे मातहत गाेलबन्द हुनु अहं दायित्व बनेकाे छ ।
यतिबेला पूर्व धारकाे संकीर्णता, पूर्व गुटहरूकाे असमझदारी र स्थानीय अन्तर्विराेधमा अल्मलिने वा किन्तु, परन्तु, यद्यपि, तथापि, वा, तर र तापनि भनेर व्यक्तिगत रूपमा भ्रमित हुने अथवा अलमलिने गल्ती कसैले पनि नगराैं ।।
केही नेताहरू पार्टी विभाजन गरी अलग भएका छन, याे तिनले राेजेकाे बाटाे हाे । पार्टी कब्जा गर्ने तिनकाे छलछामपूर्ण काेसिश अन्तत: उदांगाे नै भएको छ ।
अब तिनीहरू अवसरवादी साेंचाईहरू त्यागेर भूलसुधार गरी पार्टीमा फर्किन सक्ने छन् । तथाकथित एकताकाे माैकापरस्त रटानमा पनि काेही अलमलिनु आवश्यक छैन ।
समयमै सचेत र जागृत हुँदै सही नेतृत्व र पार्टी छनाेट गर्ने पहलकदमीका साथ आँधी तुफानमय सक्रियता प्रदर्शन गराैं ।
शीर उचाे पारेर स्वाभिमानका साथ यस पुनित कार्यमा दृढताका साथ अघि बढाैं । उनले भनेका छन ।
