ओलीको सिफारिश रोक्न शीतलनिवासमा प्रचण्ड
झण्डै दुुईतिहाई बहुमत रहेको नेपाल कम्युनिष्ट पार्टी भित्रको घर झगडाले अन्ततः संवैधानिक संकट खडा गरिदिएको छ ।प्रधानमन्त्री केपी ओलीले हठात् संसद विघटनको सिफारिश राष्ट्रपति समक्ष गरेपछि देशको राजनीतिले नयाँ दिशा लिएको हो । अब के होला त ? धेरैको यस्तै जिज्ञासा छ ।
ओली निकट स्रोतले राष्ट्रपतिसँग सरसल्लाह भएर नै विघटनको सिफारिश भएको दाबी गरेको छ । उता, अर्का अध्यक्ष पुुष्पकमल दाहाल प्रचण्ड र नेता माधवकुमार नेपाल पक्षले भने राष्ट्रपतिबाट ओलीको असंवैधानिक कदम सच्चिने झिनो आशा प्रकट गरेको छ ।
