संसदीय दलमा ओली एक्लैको स्पष्ट बहुमत
सत्तारुढ नेपाल कम्युनिष्ट पार्टी (नेकपा)को संसदीय दलमा प्रधानमन्त्री केपी शर्मा ओलीको स्पष्ट बहुमत रहेको पुष्टि इत्तर खेमाकै सांसदले पुष्टि गरेका छन् । नेकपाको प्रतिनिधिसभामा १७४ सांसद रहेका छन् ।
संसदको विशेष अधिवेशन बोलाउन भन्दै शितल निवास अध्यक्ष पुष्पकमल दाहाल, प्रचण्ड र वरिष्ठ नेता माधवकुमार नेपाल पक्षका सांसद पुगेको समाचारहरु आईरहेको छ । यद्यपी समाचार पनि शुरुवाति रुपमा स्रोत भन्दै आएका छन् । भिम रावल र पम्फा भुषाल त्यहा पुगेको सो खेमाका पक्षमा समाचार लेख्दै आएका अनलाइन पोर्टलहरुले बताएका छन् ।
उनिहरुले नै टिपाएर आएको समाचारमा उल्लेख गरेको कुरा मान्ने हो भने पनि ओलीसँग संसदीय दलमा स्पष्ट बहुमत पुग्ने देखिएको छ । उनिहरुले ८० भन्दा बढि सांसदको हस्ताक्षर गरेको बताएका छन् । ८० भन्दा बढि भनेपनि त्यो संख्या ६५ देखि ७० को आसपासमा हुने उनिहरुकै स्रोत भन्छ । बहुमत भए उनिहरुले स्पष्ट रुपमा आफुहरु यति सांसदको हस्ताक्षर लिएर आएको भन्ने थिए । बहुमत नपुगेपछि ८० भन्दा बढि सांसद मात्र भनेका छन् ।
१७४ सांसदमध्ये बहुमत पुग्नका लागि ८८ सांसदको आवश्यकता पर्दछ । राष्ट्रपति कार्यालयमा बुझाउन लागिएको हस्ताक्षर पनि अहिलेको नभएको खुल्न आएको छ । विगतमै ओलीलाई हटाउने अभियानका क्रममा हस्ताक्षर संकलन गरेर राखिएकालाई ‘दुरुपयोग’ गरेको स्रोतको भनाई छ । संसद अधिवेशन पुष १७ अगावै बस्नुपर्ने संवैधानिक प्रावधान रहेको छ । सरकारले सो अनुसार बैठक आव्हान गर्ने तयारी पनि गरिरहेको एक मन्त्रीले जानकारी दिनुभयो ।
