संवैधानिक परिषद् बैठक स्थगित
विभिन्न संवैधानिक निकायमा रिक्त पदाधिकारी नियुक्तिका विषयमा छलफल गर्न बोलाइएको संवैधानिक परिषद् बैठक स्थगित भएको छ ।
प्रधानमन्त्री केपी शर्मा ओलीले आज बोलाएका परिषद् बैठकमा प्रमुख प्रतिपक्षी दल नेपाली काँग्रेसका नेता शेरबहादुर देउवा नआउने भएपछि बैठक स्थगित भएको हो । यसअघि पनि देउवाकै अनुपस्थितिका कारण बैठक पटक पटक स्थगित भएको थियो । नेकपाको स्थायी कमिटीको बैठक पनि आजै बालुवाटारमा बस्दैछ ।
नेकपा स्थायी कमिटी बैठकको तयारी तथा प्रमुख प्रतिपक्षी नेताको अनुपस्थितिका कारण संवैधानिक परिषद् बैठक स्थगित गरिएको बालुवाटार स्रोतले जनाएको छ । परिषद्को बैठक नबस्दा विभिन्न संवैधानिक निकायमा ४५ भन्दा बढी संवैधानिक पदहरू पूर्ति हुन सकेको छैन।
