एक भए विवेकशील-साझा, पहिलो पार्टी बन्ने दाबी

विवेकशील नेपाली दल र साझा पार्टीबीच एकीकरणको घोषणा भएको छ। बुधबार भर्चुअल कार्यक्रम गरेर दुई पार्टी एक भएको घोषणा गरिएको हो एकीकृत पार्टीको नाम विवेकशील साझा पार्टी राखिएको छ। रवीन्द्र मिश्र छन्। संयोजक मिलन पाण्डे छन्।

घोषणा कार्यक्रमलाई सम्बोधन गर्दै विवेकशील नेपाली दलका संयोजक पाण्डेले विगतमा पार्टी फुट्नुलाई दुर्घटनाको संज्ञा दिएका छन्।

उनले बराबरी सिद्धान्तअनुसार पार्टी एकीकरण गरेको बताए। आज बिहान चलेको हस्ताक्षर कार्यक्रमको भिडिओ कार्यक्रमको सुरूमै देखाइएको थियो।

पार्टी एकीकरण घोषणा कार्यक्रममा साझाका संयोजक मिश्रले वैकल्पिक राजनीतिका लागि आफूहरू फेरि एक भएको उल्लेख गरेका छन्। उनले सुशासनका लागि आफूहरू लागिपर्ने बताए।

‘यो वा त्यो वादमा बाँधिएर होइन। देशको सम्वृद्धिका लागि सुशासनलाई प्रधान मुद्दा बनाउन थालिएको छ,’ उनले भने। उनले भ्रष्टाचारविरूद्ध सबै लाग्नुपर्नेमा जोड दिएका छन्।