मन्त्रिपरिषद बैठक बालुवाटारमा जारी
मन्त्रिपरिषद बैठक प्रधानमन्त्री निवास बालुवाटारमा जारी रहेको छ । प्रधानमन्त्रीका प्रेस सल्लाहकार सूर्य थापाले प्रधानमन्त्रीको सरकारी निवास बालुवाटारमा मन्त्रिपरिषद बैठक बसेको जानकारी दिनुभएको हो । उहाले आफ्नो फेसवुक पेज मार्फत बैठक जारी रहेको जानकारी गराउनु भएको छ । बैठकमा विश्वको आज सर्वोच्च शिखर सगरमाथाको नयाँ उचाइ सार्वजनिकका बारेमा छलफल हुने बताइएको छ ।
आजै प्रधानमन्त्री ओलीले सर्वदलीय बैठक आह्वान गर्नुभएको छ । मंगलबार बिहान ११ बजे बस्ने गरी सो बैठक बोलाइएको छ । प्रधानमन्त्रीका प्रेस सल्लाहकार सुर्य थापाका अनुसार समसामयिक राजनीतिक विषयमा छलफल गर्नका लागि सो बैठक बोलाइएको हो। ‘यो बेला बेला हुँदै आएको हो। प्रधानमन्त्रीले समसामयिक विषयमा छलफल गर्न सर्वदलीय बैठक बोलाउनुभएको हो,’ थापाले बताउनुभयो ।बैठकमा संसदमा प्रतिनिधित्व गर्ने दलहरु सहभागी हुनेछन् ।
