यी हुन् १५ करोड काण्ड गर्ने ‘प्रचण्ड’का खास सहयोगी, रहला अध्यक्ष पद ?



 

नेपाल हज समितिका अध्यक्ष शम्शेर मियाँले १५ करोड रुपियाँ हिनामिना गरेको आरोप लागेको छ । समितिका ११ जना सदस्यहरूले गृहमन्त्री रामबहादुर थापालाई भेटेर ज्ञापन पत्र बुझाइ अध्यक्ष मियाँलाई पदबाट हटाउन माग गरेका छन् । उनीहरूले मंसिर ८ गते गृहमन्त्रीका साथै मुस्लिम आयोगका अध्यक्ष समिम मियाँ अन्सारीलाई पनि हज समितिको अनियमितताका विषयमा जानकारी दिएका छन् ।

गृहमन्त्री र आयोगका अध्यक्षलाई बुझाइएको ज्ञापन पत्र समितिका सदस्यहरू प्रधानमन्त्री तथा मन्त्रिपरिषदको कार्यालयलाई पनि बोर्धाथ दिएका छन् ।

नेपाल हज समितिका अध्यक्ष शम्शेर मियाँबाट राष्ट्रिय बाणिज्य बैंकमा रहेको हाजीको हज यात्राका लागि जम्मा रकम विना सूचना तथा विना सल्लाहमा एकलौटी रुपमा गलत नियतवस ब्याजको लोभमा सनराइज बैंकमा लगि जम्मा गरेको भनेर समितिका ११ जना सदस्यहरूले आरोप लगाएका छन् ।

हज समितिको भावना विपरित कुन मनसायले नियम कानूनको प्रवाह नगरी रु. १५ करोड रकम आफू खुसी प्राइभेट बैंकमा जम्मा गरेको हो भनेर समितिका सदस्यहरूले गम्भीर प्रश्न उठाएका छन् ।

उनीहरूले अध्यक्ष मियाँको कार्यमा आपत्ति जनाउँदै छानविन गरेर काराबहीको माग गरेका छन् । उनीहरूले गृह सचिवलाई पनि ज्ञापन पत्र बुझाएका छन् ।

हज यात्राको समयमा आवास तथा हाजीहरूको खाना व्यवस्थापनमा समेत आर्थिक अनियमितता गरेको भन्दै समितिका सदस्यहरूले तत्काल समितिको अध्यक्ष पदबाट पदमुक्त गरि आवश्यक कारबाही अगाडि बढाउन अनुरोध गरेका छन् ।

समितिका अध्यक्ष मियाँले हाजका क्रममा तीन करोड रुपियाँ भ्रष्टाचार गरेको आरोप छ ।

समितिका सदस्यहरू नजीबुल्लाह अन्सारी, आसिकल इलाही, मो. अकवर गद्धी, मो.फिरोज अन्सारीलगायत ११ जना रहेका छन् ।

समितिका अध्यक्ष मियाँ तत्कालीन माओवादी कोटाबाट अध्यक्षमा मनोनीत भएका थिए । मियाँ नेकपाका दोस्रो वरीयताका अध्यक्ष पुष्पकमल दाहाल ‘प्रचण्ड’ निकट मानिन्छन् ।

समितिका ११ जना सदस्यहरूले लगाएको आरोपका विषयमा अध्यक्ष मियाँसँग प्रतिक्रिया लिन प्रयास गर्दा सम्पर्क हुन सकेन दैनिक नेपालले जनाएको छ ।

प्रतिक्रिया दिनुहोस
प्रधानमन्त्रीलाई विश्वासको मत दिन्छौं : माधव नेपाल

     एकीकृत समाजवादीका अध्यक्ष माधवकुमार नेपालले प्रधानमन्त्रीलाई विश्वासको मत दिने बताएका छन्

नेप्से- ४५ अंकले वृद्धि, सवा ५ अर्ब कारोबार

    शेयर बजारमा रौनक फर्किएको छ । बजार साताकाे पहिलाे कराेबार दिन

अपाङ्गता भएका सम्पूर्ण व्यक्तिको स्वास्थ्य बिमा गराउने तयारीमा छौँ : मन्त्री चौधरी

    महिला, बालबालिका तथा ज्येष्ठ नागरिक मन्त्री भगबती चौधरीले अपाङ्गता भएका सम्पूर्ण

ट्राफिक प्रहरीको हत्यामा संलग्न ७ आरोपी सार्वजनिक

  ट्राफिक प्रहरी प्रभाग, दरबारमार्गमा कार्यरत प्रहरी जवान युवराज घिमिरेको हत्यामा संलग्नलाई समात्न