प्रधानमन्त्री ओली र गौतमबीच गोप्य भेट
प्रधानमन्त्री केपी शर्मा ओली तथा नेकपा उपाध्यक्ष वामदेव गौतमबीच छलफल भएको छ ।
बालुवाटारमा आइतबार विहान भएको भेटवार्तामा पार्टीको विवाद समाधानबारे छलफल भएको थियो । भेटमा महासचिव विष्णु पौडेल पनि सहभागी थिए ।
भेटमा प्रधानमन्त्री ओलीले अहिलेको अवस्थामा कसरी अघि बढ्न सकिन्छ भनेर गौतमसँग राय मागेको बताइएको छ ।
गौतमले बैठकमा छलफल गर्नुपर्ने जवाफ दिएको बताइएको छ ।
उपाध्यक्ष गौतमले प्रधानमन्त्री ओलीलाई सच्चिन आग्रह गरेको बताइएको छ । त्यस्तै, उनले सचिवालय बैठकमा छलफल गरौँ विवाद त्यही समाधान हुने पनि बताएका छन् ।
प्रचण्डको प्रस्ताव फिर्ताका लागि गौतमलाई सहयोग गर्न प्रधानमन्त्री ओलीले आग्रह गरेका थिए । त्यस्तै, प्रधानमन्त्री ओलीले गौतमलाई आफूले चाहेको मन्त्री रोज्न पनि भनेको स्रोतले जनाएको छ ।
जवाफमा आफूले पार्टीको निर्णयबाट मात्रै जिम्मेवारी लिने बताएका थिए ।
शुक्रबारको सचिवालय बैठकमा कार्यकारी अध्यक्ष पुष्पकमल दाहाल प्रचण्डले राजनीतिक प्रतिवेदन पेश गरेका थिए ।
