वामपन्थी नेता चित्रबहादुर केसीको उपचार सरकारले गर्ने
पूर्व उपप्रधानमन्त्री एवं चर्चित वामपन्थी नेता चित्रबहादुर केसीको उपचार सरकारले गर्ने भएको छ । कोरोना भाइरस संक्रमणपछि गम्भीर बिरामी पर्नुभएका चर्चित बामपन्थी नेता केसीको उपचार खर्च सरकारले व्यहोर्ने निर्णय भएको नेकपाका महासचिव समेत रहनु भएका अर्थमन्त्री विष्णु पाैडेलले जानकारी दिनुभयो ।
बिहिबार बिहान बसेको मन्त्रिपरिषद्को बैठकले संविधानसभाका सदस्य तथा जनमोर्चाका अध्यक्ष केसीको उपचार खर्च व्यहोर्ने निर्णय गरेको मन्त्री पौडेलले जानकारी दिनुभयो । निमोनियाबाट थलिएका केसीको ललितपुरको मेडिसिटी अस्पतालमा उपचार भइरहेको छ । उहाँलाई कोरोना पाेजेटिभ पनि देखिएको छ । केसीको उपचारमा खर्च अभाव भएपछि राष्ट्रिय जनमोर्चाले बुधबार सहयोगको अपिल गरेको थियो ।
