वामदेव गौतम मन्त्री बन्ने बाटो खुल्यो
सत्तारुढ नेकपाका उपाध्यक्ष वामदेव गौतम अब मन्त्री बन्न सक्ने भएका छन् ।
राष्ट्रियसभा सदस्य बनाउने सरकारको निर्णय बदर गर्न माग गरिएको रिटमा सर्वोच्च अदालतले अन्तरिम आदेश जारी नगर्ने भएसँगै गौतमको मन्त्री बन्ने बाटो खुलेको हो ।
वुधबार सर्वोच्च अदालतको संवैधानिक इजलासले गौतमलाई मन्त्री बन्नबाट रोक लगाउन अन्तरिम आदेश जारी गर्न अस्वीकार गरेको हो ।
वरिष्ठ अधिवक्ता दिनेश त्रिपाठीले दिएको रिटमा ढेड महिनापछि सुनुवाई भएको हो ।
अब गौतमलाई राष्ट्रिसभा सदस्यका रुपमा काम गर्न साथै मन्त्री बन्न समेत बाटो खुलेको छ ।
