ओली-प्रचण्ड वार कि पारको लडाईमा, धुम्बाराहीमा सचिवालय बैठक सुरु
कुनै चमत्कार भएमा मात्र नेपाल कम्युनिस्ट पार्टी फुटबाट जोगिने भएको छ । अध्यक्षद्वय केपी शर्मा ओली र पुष्पकमल दाहाल प्रचण्ड आ-आफ्नो अडानबाट टसमस नभएपछि नेकपा फुटको नजिक पुगेको हो ।
नेकपाका अध्यक्ष पुष्पकमल दाहाल प्रचण्ड प्रधानमन्त्री केपी शर्मा ओलीलाई भेटेर धुम्बाराही पुगेका छन् । धुम्बाराहीमा बहुमत सचिवालय सदस्यहरूको अनौपचारिक बैठक बस्दैछ । दुईजना अध्यक्षबीच के कुराकानी भयो भनेर खुल्न नसकेको प्रचण्डका प्रेस संयोजक विष्णु सापकोटा जुगलले जानकारी दिएका छन् ।
धुम्बाराही बैठकमा प्रचण्डसहित वरिष्ठ नेता झलनाथ खनाल, माधवकुमार नेपाल, उपाध्यक्ष वामदेव गौतम र प्रवक्ता नारायणकाजी श्रेष्ठ छन् ।
