सांसद प्रभु साहले दशैंभत्ता फिर्ता गरे
सत्तारुढ नेपाल कम्युनिष्ट पार्टी (नेकपा) का नेता तथा सांसद प्रभु साहले दशैंभत्ता वापत पाएको रकम फिर्ता गरेका छन् ।
नेकपा प्रदेश २ का अध्यक्ष समेत रहेका सांसद साहले सोमबार नगद ६४ हजार ७० रुपैयाँ फिर्ता गरेका हुन् । संघीय संसदका महासचिवलाई पत्र लेख्दै सांसद साहले कोरोना महामारीका कारण मुलुक विषम परिस्थितिमा रहेको यस्तो अवस्थामा भत्ता खानु कुनै पनि हिसाबले उपयुक्त नहुने भन्दै रकम फिर्ता गरेका हुन् ।
जानकारी बिनै खातामा दशैं भत्ता हालिएकोले उनले आफ्नो सचिवालयमार्फत संसद सचिवालयमा नगद रकम फिर्ता गरेका हुन् ।
