सांसद प्रभु साहको चालकलाई कोरोना पोजेटिभ
नेपाल कम्युनिष्ट पार्टी (नेकपा) का नेता तथा सांसद प्रभु साहको एकजना चालकलाई कोरोना संक्रमण पुष्टि भएको छ ।
आइतबार राष्ट्रिय जनस्वास्थ्य प्रयोगशालामा गरिएको परीक्षणमा उनको रिपोर्ट कोरोना पोजेटिभ आएको हो । नेकपा प्रदेश २ का अध्यक्ष समेत रहेका पुर्वमन्त्री साहको सम्पूर्ण सचिवालयको पिसिआर टेस्ट गर्दा एक जना चालकमा कोरोना देखिएको उनका स्वकीय सचिव विजय यादवले बताए ।
रौतहट घर भई काठमाडौमा बस्दै आएका २५ वर्षीय उनी अहिले होम आईसोलेसमा रहेको र उनको स्वास्थ्य स्थिति सामान्य रहेको यादवले बताए ।
