चार मन्त्रालय टुक्रयाउने, मन्त्रीपरिषद आजै हेरफेर को तयारी
अध्यक्ष पुष्पकमल दाहाल प्रचण्डसँगको लगातार छलफलपछि प्रधानमन्त्री केपी शर्मा ओलीले मन्त्रीपरिषद फेरवदल गर्न लागेका छन् । केही मन्त्रालय टुक्राएर, केही मन्त्रीलाई विदा दिएर नयाँ मन्त्रीपरिषद पुर्नगठन गर्न लागेको स्रोतले बताएको छ ।
मन्त्रीपरिषद पुर्नगठनका लागि प्रधानमन्त्री ओलीले आज दिउँसो आकस्मिक मन्त्रीपरिषदको बैठक बोलाएका छन् । कतिपय मन्त्रीलाई आजदेखि विदा दिनेगरी बैठक डाकिएको प्रधानमन्त्री निकट स्रोतले बताएको छ ।
प्रधानमन्त्री ओली निकट स्रोतकाअनुसार चार मन्त्रालय विभाजन गर्न लागिएको छ । आजको मन्त्रीपरिषद बैठकबाट चार मन्त्रालय टुक्राउने प्रस्ताव गरिदैछ । भौतिक पूर्वाधार तथा यातायात, उर्जा जलस्रोत तथा सिचाई, उद्योग वाणिज्य तथा आपुर्ति, शिक्षा, विज्ञान तथा प्रविधि मन्त्रालय टुक्राउने तयारी गरिएको छ । १२ बजे बस्ने मन्त्रीपरिषदको बैठकले थप ४ नयाँ मन्त्रालय निर्माण गर्ने भएको छ ।
मन्त्रीपरिषद पुर्नगठनभन्दा पहिले ओलीले नेकपा अध्यक्ष दाहालसँग बालुवाटारमा छलफल गरिरहेका छन् । प्रचण्डससँगको छलफलपछि ओली मन्त्रीपरिषदको बैठकमा सहभागी हुनेछन् ।
